Zwentendorfer Lied

 

Mir san  dahoam in Zwentendorf, woll´n Zwentendorfer bleib´n,
im obern Ort, im untern Ort, am Hauptplatz in der Scheib´n.
Die Leit die ob´n in Bärndorf san, Schönbichl und Dürnrohr,
in Erpersdorf, in Pischelsdorf, g´hean alle zu der G’moa,
in Erpersdorf, in Pischelsdorf, g´hean alle zu der G’moa.

 

Mir hab´n a Kircha, hab´n a Schul, und s´Rathaus läd´t uns ei.
Mir wissen selba was ma woll´n, da red´t uns neamd was drein.
Und fragt uns wer: „Wo seid´s denn her?“, da sag´n ma voller Stolz,
Mir san dahoam in Zwentendorf, san aus an g´sunden Holz!
Mir san dahoam in Zwentendorf, san aus an g´sunden Holz!

 

Die Donau rinnt scho lang vorbei, viel tuat da oba treib´n.
 Mir san  dahoam in Zwentendorf, woll´n Zwentendorfer bleib´n.
Die Donau rinnt scho lang vorbei, viel wird nu oba treib´n.
Mir san  dahoam in Zwentendorf, woll´n Zwentendorfer bleib´n,
Mir san  dahoam in Zwentendorf, woll´n Zwentendorfer bleib´n.

 

Ja Bierbaum, Kaindorf, Buttendorf und Preuwitz und Ponsee,
mir g´hean ja non et lang zur Gmoa, des wissen alle eh,
doch g´spürn ma, daß ma z´sammen g´hean in Freud und auch im Leid,
mir alle g´hean zu Zwentendorf für heut und alle Zeit,
mir alle g´hean zu Zwentendorf für heut und alle Zeit.