A Ganze Weil

A ganze Weil habn ma heut g'sunga und g'spielt

Und g'spürt, daß a sunst alles stimmt.

║: Die Zeit hat Bestand, wo mir san beinand,

Des alls von da Musi herkimmt. :║

 

Und weil ma die Zeit halt net aufhalten kann,

Drum müaßt ma halt do ausanand.

║: Mir stelln uns in Kroas und singan nu oans

Und gebn uns zum Abschied nu d' Hand. :║

 

Drum liabe Leut, g'freun ma uns aufs nächste Mal,

Mir kemman ganz gwiß wieder zsamm.

║: Für heut guade Nacht, gehts hoam mit Bedacht,

Vergeßts net die Stund miteinand. :║