Hinter meiner Stadltür

Hinter meiner Stadltür,  -   steht a alta Musketier,

spielt auf seina Bassgeign auf,  ║: hat koa Soatn drauf. :║

 

Ref.:

Oans, zwoa, drei, vier, hoit di stad, - dass's di net abidraht,

abi übas Habanfeld, - ║: geht's a wengal schnell :║

 

Die Kramerin kraht wia a Hoh', - d'Schmiedin sagt: "I lauf davo!"

Da Lehra schwitzt und singt für zwoa, - ║: mei is da des a Gschroa :║  – Ref. –

 

Die Bäurin macht a trutzigs Gsicht, - wenn die Dirn a Haferl bricht.

Is des net a Teifislärm, - ║: z'wegn an so an Scherbm :║  – Ref. –

 

Ja, da Loisei, der is gsund, - 's Bäucherl is schö kuglrund

und sei Nasn, de hat rund, - ║: oandreiviertl Pfund :║  – Ref. –

 

Dirndl, mach dein Gattern zua, - sonst hast bei da Nacht koa Ruah!

Da Seppl wart scho drei, vier Stund, -║: dass er eine kunnt :║  – Ref. –

 

Hintn muaß was gschehen sein, - alles lafft ins Haus hinein

Da sitzt an alter Grenadier, ║: trinkt a Seidl Bier :║  – Ref. –

 

Der, der des braun Bier net mag, - der kimmt bald ins kühle Grab.

I will aber krank net sein, - ║: Kellnarin, schenk ein :║  – Ref. –